حبك

احب الطريقة التى يتسلل بها حبك الى داخل قلبى . انها هادئة 

رذينة فى خطواتها .. مندفعة احيانا سريعة غزيرة اوقات الشدة 

والالم..انه كنغامات حالمة دافئة تهدء النفس وترتقى بها الى 

اعلى  مراتب الاحاسيس.انه كحبات المطر غزير، شديد الاندفاع، 

قوى، قاسى،  لكنك لن تجد ماهو احن على الارض منه ..

الكلام بقى عادى

وكأن حياتى كلها تشير الى اللامعقول فمستحيل ان تكون الطبيعة جزء من حياتى ، فمن غير المعقول ان تتلاشى الذكريات فمن غير المعقول ان لا يكون هناك معنى لصداقة اعوام واعوام ومن غير المعقول ان لا يكون هناك حب  ..

اتذكر جيدا هذا اليوم الذى دارت احداثه منذ اعوام، اكرهتنى الحياة على عدم عودتهاعندما سالتنى صديقتى انذاك وكنا نستلقى على سريرى فى غرفة نومى حيث لم يكن هناك اى فرق بينى وبينها كانت فى بيتى وانا فى بيتها طول العام بصرف النظر عن الظروف المحيطة ..

قالت : ماذا تفعلين لو وقعتى فى الحب ؟

فجاء ردى عليها صادما لها الى حد ما ..

قلت : اذهب اليه واصارحه بمشاعرى

كنت حينها اخذ حياتى وحياة الاخرين بمنتهى البساطة ..

وها قد جاء اليوم الذى لم احسب له حساب ووقعت حقا فى الحب

وبسذاجتى القديمة رفعت سماعة التليفون وصارحت من احبه بمشاعرى

لكن حديثى مع صديقتى لم يكتمل فيما مضى ، فهى لم تسالنى: ماذا لو رفض هذه المشاعر ...

واليوم ذهبت صديقتى بعيدا عنى منذ اعوام وحالت بيننا الايام حتى اجيبها: انى لا اعلم ....

لحديث الحب بقية دوما

قَلبى قَبلُك كانت اجواؤه شتوية ، وعندما عَرفتك تلون بألوان الربيع الطبيعة، وعندما أحببتك إحترقتُ بحرارةِ حبك الصيفية، وفى جفاء مشاعرك رأيت أغصانُ قلبى تتساقط كأوراق الشجر الخريفية ....



تفتحت براعم القلب بحبك الذى كنت اتولى بنفسى رعايته ،حبك اصبح ثورتى على نفسى ومطلبى لحريتى واستقلالى بمشاعرى ....


كتبت فى حبك قصائداً لم تكتب بعد على دفاتر الشعراء ولم يبلغها وجدان المحبين ولم تعييها بعد قلوب العاشقين ...


يضنينى حنينى واشتياقى الى قلبك اكثر مما تضنينى فكرة البوح اليك بمكنون قلبى العليل بحبك ،وما اشتكيت ابدا الى اى من اطباء الهوى الا وكتب لى نفس الدواء فيشب فى قلبى اعصارا مدارى يعصف بتلك الافكار الشمطاء التى توهمه به بعض خلايا المخ اللاشعورية فتصبح كزبد البحر وكانها لم تكن قبلاً، فلا قلبى يعرف الى فراقك طريق ولا تجد روحى سواك بديل لها ...


لم اعلم ان هناك نهر قريب منى سوف يروى عطشاء قلبى حتى تزهر ارضه وينع زهرها.. لاتدعنى ابدا ابوح لك بما تكتنفه ضلوعى من لوع واشتياق اليك فانا لا اريد ان اشعر ان مااكنه لك ضئيل الى درجة انه يمكن اى استطيع ان افضية اليك بكل تلك البساطة وأُلخصه فى بضع كلمات تهالكت وبليت وفقدت بعضها معانيها لانها بليت ببعض المغرضين الذين لم يضعوها موضعها الحقيقى فعييت منهم واصبحت عديمة الفائدة فى مواضعها الصحيحة ..

2in love

هى : طيب قولى انك مش ناوى ترد

هو : انا عملت ايه فى دنيتى


هى : انت ادرى


هو : وحشتينى


علشان كدا مش بترد


عجبت لك


ايه يا اسماعيل يا ياسينه هو :


هى : ايوه كدا فوء وصحصح معايا


هو : هههههههههههههههه


النت بطىء شويه


هى : ولا يهمك ماهو منك ماانت عملى فيها برم


هو : انتى الراس عجباكى للدرجه دى


هى :


راس ايه وعكوة ايه وكوارع ايه


احنا فى مصمت هنا


هو : ههههههههههههههه


دماغى يعنى


هى : ههههههههههههههه


هو : حاضر


هو : دانتى عايزة تشوفينى بقى


هى : ميزتك انك فاهمنى


غلط


هو : ههههههههههههههههههههههههه ارجوك ماتفهمنيش صح جدا


هو : دا انا نفسى اشرب من دمك بمعلقه الشاى الصغيرة


هى : اشمعنى


هو : مزاجى كدا


هى : ماشى يااخر سلالة دراكولا


هو :ا وكى ياسلالة واق واق


هو:


ممكن تخفى العسل شويه


هى :


لما انت تبطل تنقط سكر


هو :


ياشيخه روحى وانت عامله زى الجمبرييه اللى تايهه من امها كده


هى :


وانت عامل زى الاخطبوط اللى مالهوش ملامح


هو :


ماشى ياشبه وابور الجاز المخروم


هى :


وانت شبه ابو جلامبوا


هو :


جاتك داهية وانتى شبه المصران الاعور


وحياة عنيه العسليه اللى هيحلى بيها الدود


انت شبه الفرخه المسلوقة


ياشبه الخروف الصومالى


هى :


وانت شبه الجلادة الصينى


هو :


اعترفى بالهزيمه


هى :


لك لسان ربنا يخلصك منه


هو:


ياشبه السلحفه المطلقه






هى : وانت شبه الصرصور العانس


وكمان عنده عيلين


مش عارف يروح بيهم فين


هو : دانتى قنديل البحر يقرف يبصلك






هى : وانت من جمالك ولا بلاش






هو : انا حنين جدا


هى : ياعم روح كدا


هو : مرة موت ناموسه رحت تانى يوم اسأل على عيالها


فى حنيه كده


هى : فى سذاجة وهبل فى كدا


هو : اقولك على حاجه هتهزك جامد من جوة


هى : افتى


هو :


مرجيحة


هههههههههههههههههه


هى :


يحموك فى كنكة

مساء الخير او صباحه عسل

مش مهم، ماانا مع نفسى اصبح عليها امسى عليها انا وهى احرار

مساء الخير يانفسى


( طبعا نفسى هاترد على )


نفسى : قولى صباح الخير وبلاش التوهان اللى انتِ فيه دا باستمرار


( انا بقى مش هاسكت لها طبعا )


انا : وبعدين بقى ماتهدى كدا وتصطبحى او تتمسى انا جاية افضفض معاكى حبتين تقومى تبكتى في كدا مش ممكن دا مش اسلوب حِوار


نفسى : خلاص عفونا عنك


هاه ايه الحكاية جاية ليه على ملا وشك كدا علشان ترغى معايا حصل جديد مع مُزِك ، اصل هو دا الموضوع الوحيد اللى بتحبى تتكلمى عنه


انا : مُزي (سرحان وتنهيده طويلة بحنية شديدة ) اه منه يامين يقولى ادخله منين ( ودينى ماانا عتقاه منى )


نفسى : خلاص فهمنا انه مش معبرك ومصدر لك الطرشة باستمرار ولاعمره فكر فيك، وكمان عارفين انك حبتيه لانه مرة قالك كلمتين مجاملة وانتى هصتى فى الهيصه وزطى


انا : ما باليد حيلة بحبه يانفسى وبعدين مش لاقى لى دواء ولا حل


اعمل ايه يانفسى .. (انتحر علشان تنبسطى )


نفسى : ايه الجديد يعنى ماانت على طول بتقولى كدا


انا : طيب ايه الحل من وجهة نظرك


نفسى : يابنتى اكسرى حاجز الصمت والجدار الفاصل بينك وبينه وقابليه واتكلمى معاه وشوفيه هو على ارض الواقع.. اتعملى معاه يعنى

انا : انت بتهذرى بقى على كدا


نفسى : كاتك نيلة بس هو يفضالك ويعبرك ويرضى يقابلك


انا : كمان


نفسى : ان كنت نسيتى افكرك


انا : ( بخباسة ) تفكرينى بايه


نفسى : لما طلبتى منه انك تقابليه واتحجج انه مش فاضى ..هاه فاكره ولا اكمل


انا : (باحراج ) مااااا ماهو ماكنش فاضى فعلا


نفسى : علي


انا : انا خايفة اصلا


نفسى : عارفه انك هاتموتى من القلق والخوف من رفضه لك


بس انت كدا يبقى عاملتى اللى عليك


ومنه تقطعى عرق وتسيحى دم


وفكرى وردى على


انا : وبعدين اعمل ايه، افكر فى ايه، اقابله؟ ان كنت اصلا بطلخبط واتبل وانا بكلمه من غير مااشوفه اقوم اقابله


قال اقابله قال.....


ياترى تعمل ايه؟؟




اذا لم تستحى فافعل ماشئت بمن شئت فى اى وقت تشاء و لآى شيئ

عبير

كانت فى المساء تفترش خصلات من شعرها الذهبى المتلالأ على وسادتها وتسبل عينيها الجميلتين فى بعض من الحزن والامل .. تتذكر ذلك الحبيب الغائب متى سيعود اليها وهل ستظل لوعتها تطارد ليلها هكذا .. انها احيانا تتمنى لو انها لم تنظر ذلك اليوم اليه ولم ترى ابدا تلك النظرات الحادة الصارمة من عينيه التى اسرتها منذ ذلك الحين الى الان ....



يستمر الحب لسنوات وسنوات وقد يبقى ايضا الى الممات وبعده ......


الان نحن فى اخر سنة للتخرج فى الجامعة وهانحن نعيش اسعد أيام حياتنا معا كل شيئ خططنا له ....فى اى مكان سيكون عملنا وكيف نتدبر امورنا فى العيش معا فكيف يكون حفل الزواج الذى سيقام فى اجمل نادى على النيل ومن سندعوا ومن سنغفل من المعارف والاصحاب ..واتفقنا ان نوبات عملنا تكون فى وضع متبادل حتى نستطيع ان نعتنى بـ " كمال" ثمرة حبنا الاولى؛ تمنينا على الله ان يرزقنا اولا بهذا الصبى الجميل الوديع وسندعوه كمال كما اسم جده لابيه، وبعدها باربع اعوام سوف تأتى فاطمة الى حياتنا كى تجعلها اكثر دفئا واستقرارا


كل شيئ بيننا فكرنا فيه ، ادق التفصيلات فى حياتنا أردنا حياة سعيدة هادئة حياة بنيناها معا .


اعشق هذا الرجل كما عشقته صبيا وشابا ....


كان اول لقاء بيننا عبارة عن نظرات مراهقة عادية، لم نعلم انها بذرة لحب ينمو بداخلنا مع الايام والسنين ، اذكر عندما كان يضغط عليه اصدقائه ليغنى لهم وكيف كان يختلس النظرات الي وكيف كنت اصطنع عدم المبلاة وادعى النظر فى مرأة كنت أخفيها فى حقيبة المدرسة والحقيقة انى كنت انظر اليه من خلالها واراقب نظراته الي ، فى ذلك الوقت لم نكن نتكلم سويا عشنا قصة كلها نظرات و مشاعر غير معلنة ، حتى التحاقنا بالجامعة ذاتها ونفس الكلية ، هنا بدأت علاقتنا فى الوضوح والانتقال الى المرحلة التالية التى اتت متاخرة كثيرا و اصبحنا صديقين وامسينامتحابين لايشعر احدانا بالحياة سوى مع الاخر


ومرت الايام والسنين ووصلنا الى سنة التخرج التى جاءنى فيها من اعشقه حتى يطلب يدى من ابى ويتمم ما بدءناه معا منذ سنوات ......... ولكنه لن يكتمل ابدا


هنا كانت اخر ما سطرت عبير فى مذكراتها وهى تفترش سريرها فى غرفة ذات وسائد بيضاء واغطية ايضا بيضاء محاطة بعديد من الاجهزة المعقمة نظرا لسوء حالتها الصحية ....


و ساكمل لكم باقى القصة


ذهب فعلا حبيبها "على" الى والدها وطلب فعلا يدها وفرحت الاسرة جميعا بهذا الخبر .. الى ان "عبير" رفضت هذا الارتباط بمن تحب ورجع العاشق الى بيته حزينا أسفا لا يعلم كيف ولماذا حدث ذلك الا انه بعد هذا اليوم بأربع أيام ذهب ليشيع جنازتها ويودعها الوداع الاخير الى الابد......

قصة

يجب علينا ان ننتبه جيدا للاخرين ؛ حتى نستطيع ان نستفيد من تجاربهم السابقة ، كانها تجارب لنا ، وليست ملكا لهم فقط .

فعندما تتواجد مع مجموعة من البشر اى كانوا و اى كانت جنسيتهم او كنيتهم ، فاستمع جيدا وعى مايقال امامك علك واجد فيما يدور من احاديث مبتغاك كما حدث هنا :


بينما كنا جلوس فى صباح هذا اليوم ،وبعدما افرغنا ما بجعبتنا من احاديث اكثرها تافه لايتجاوز عن فلانه عملت وعلانه سوت ، اقبلت علينا هلينا وهى فتاة حديثة الزواج تعيش فى مركز المدينة، ولكن بحكم عملها جاءت الى قريتنا المتواضعة كى تمارس عملها ، هلينا طيبة الى ابعد الحدود قبل الزواج كانت هاتموت وتتزوج وفعلا قبلت اول طارق لباب بيت ابيها من غير تردد او تفكير.


كنت اعتقد ان النشئة خارج القرية تبرز عنها شخصية مختلفة شخصية تستطيع ان تتصدى للحياة وتاخذ منها ماتريد ولا تقبل ما تأبى رغم عنها ، ولكن هلينا اثبتت لى العكس فهى فتاة كما ذكرت طيبة جدا وهادئة الى ابعد الحدود لها صوت يشبة العرسه رفيع الى حد ما لا تستخدمه سوى مع المخلوقات الادنى منها فهى تنساه مع من هم ارقى منها من البشر واعنى رؤسائها فى العمل لاتابى اى عمل يفرض عليها سواء رغبت فيه ام لا ..


كفاية كدا كلام


فى هذا اليوم جاءتنا بمشكلة مع زوجها


هلينا : ( بصوت مسرسع وضحكة بلهاء )انا قررت اخد موقف، ونمت امبارح فى الاوضة التانية وسبته ينام لوحده


انا : لا .. والله ...من امتى ان شاء الله


( اصل هى من النوع الذى يريد ان يعيش بتتمنى لزوجها الرضا وهو مش بيرضا)


هلينا: ماهواللى قالى انه مش عايزنى انام معاه .. فطبعا خرجت ونمت فى اوضة تانية


( تتعالى ضحات الحضور جميعا فى شبه سخرية .. فجميعنا يعرفها جيدا ويعرف انها من السذاجة لدرجة تلبية اى طلب من زوجها او غيره بدون تردد منها .. اطلاقا )


مينرفا: انتى يابت هاتفضلى كدا موكوسة طول عمرك


هلينا : يعنى اعمل ايه اللفندى بقالوا اربع ايام مش بياكل فى البيت لانه زعلان منى


انا : اكيد ياهبله بياكل بره


هلينا : ( تشير بسبباتها علامة للنفى ) لا


دى عينه دخلت لجوه ومش عايزه تخرج تانى وتحت عينه كمان بقى اسود .. لا الراجل مش بياكل باين عليه انه هفتان .. اعمل ايه ياجماعة


منيرفا : (تشير الى هلينا ان تقترب منها اكثر .. على فكرة انا كنت لازقه فى هلينا على طول ) انت جربتى تصلحيه


هلينا : اكتر من مرة وهو برده مش راضى وبعدين دى مش اول مرة يحصل فيها كدا وكل مرة عينى بتطلع علشان اصلحه


منيرفا : علشان كدا ياهبله .. انتى اخدتيه على انك انتى اللى تروحى وتصلحيه.... خلاص مافيش امل هاتبقى كدا طول عمرك


فيفى : لا .. لا.. ممكن تغيره لسه بدرى هم مش اول سنه زواج


هلينا : ( بكل سذاجة ) ايوه


منيرفا : لا .. واضح انها عودته خلاص على كدا


فيفى : ولو برده ممكن تغيره


منيرفا : وانتى بقى لما تحبى تصلحيه بتعمله ايه ؟


هلينا : هاعمل ايه


بس مرة حطيت مكياج وكنت عايزه اصلحه وكدا يعنى ولبست وزبط نفسى .. راح باصص فى خلقتى ومدور وشه ونايم .. ولا كانى موجودة بالمرة ، روحت لابسة جلابية وخرجت من الاوضه


منيرفا : يعنى ايه هو حيطة؟ مش ممكن !!


طيب هو ايه نقطة ضعفه؟


هلينا : لا مالهوش نقطة ضعف.


منيرفا : انتى هابله .. كل راجل له نقطة ضعف .. والست النصحة اللى تعرفها علشان تخلص نفسها .


فيفى : ( موجهه حديثها لى ) وانتى ان شاء الله عمله كدا ليه مبرنقة عنيك ومطرطقة ودنك كدا ليه .. انتى لسه بدرى عليكى على المواضيع دى


منيرفا : سيبيها تتعلم .. احنا لسه هانعيده تانى .. خلينا نخلص


هلينا : انا هاعمل ايه


منيرفا : انا هاقولك على السر ونقطة الضعف عن كل الرجالة واللى هاقولك عليه تعمليه ومن سكات .


( تقترب هلينا اكثر من منيرفا وانا طبعا معاها زى خيلها كى تستمع للخطة وتستعد لتنفيذها )


لنا عودة

لست انسان

ان كان حنينى اليك اشتياق عادى لرفضتة . لو كنت عندى انسان عادى لرفضته . لو انت  بشرى لرفضته .

حنينى اليك ليس عادى انما هو حنين كالذى تحنه الارض لمياهها، ارأيت يوما ارضا 

بدون ماء قادرة على البقاء .! كلا  ياسيدى .. لن ترى تلك الارض بدون الماء ...

اترى حبات التراب وهى تلتهم الماء، كانها خلايايا تلك التى تشتاق اليك كى تدب 

فيها الحياة مرة اخرى ، انت تلمس يدى كانها شيئ عادى- اعتدت علية - انما تلك 

اللمسات هى ينبوع الحياة لتلك الجزيئات الصغيرة المتراصة بجانب بعضها .اتعرف 

ان دفئ لمساتك هى ماتحرك به الدم خلال شرايينى ..ارجوك لا تنزع يديك عنى .

انت لست انسان عادى

لا

 لست عادى ..انت رسولى ،بعثك ربى الى القوم لهدايتهم وكنت انا قومك  اجمعين ، 

كل ماتقولة صدق ..ارايت قوما يكذبون الرسل الا القوم الضالين .. وانا من انا .. انا 

التى تذوب فى بعض من لمساتك اترانى اضُل بك .. كلا سيدى.. فانت مبشرى 

ونذيرى الى جنة الحب.  

عندما تسيقظ على حلم مزعج ( كابوس ) فاعلم انك رايته وانه جاء لزيارتك انت وحدك دون الاخرين فانت ترقد على تختك وبجانبك اخوك او اختك او صديق او صديقة او ربما تسكن فراشك مع من تحب ولكنه يزوك انت لا هو وينظر اليك تلك النظرة المرعبة الهادئة... فالتحمد ربك انه غادرك وان الامر انتهى فقط على مجرد تلك النظرة الخاطفة ..



تفزع فى نومك, تبكى عند قيامك, تسمع تلك الاصوات المبهمة مجهولة المصدر فى حياتك .


عزيزى اعلم انه هو وليس غيره


فى ظلمات الليل يرتدى تلك الحلة الرثة المهشمة وكانها تلك اللعنات التى تلقاها ممن كانوا قبلك او لعلها تحمل تلك اللعنات المقبلة ممن سيرونه بعدك فانت لست الاول ولن تكون الاخير.


الجبان لايستطيع ان يجهر بنفسه فى ضوءات النهار ولكنه يستتر فى ظلمات الليل. ولكنك لن تسلم من تلك الرؤية المفزعة لتلك الشعيرات السود التى اقسمت امام خالقها انها لن تجتمع ابدا على تلك الراس البهيمية طالما كانت للحياة حياة ..


متفرقة شعراته مبعثرة مهمله تتدلى فى خزى من تشعر كانها تلك العاهرة تاتى كل ليلة بما يحيها ويميتها... تزنى لاماتة الرغبة المشتعلة داخلها.. موت الرغبة بداخلها يحيى ضمير مات من قبل الاف المرات الماضية ..تعيش حياتها غائبة .


عندما ياتيك فى نوم او نعاس فلتحظر من عينيه انت لن ترى عينين انما هى كاسين من دم يتوسط كل منهما جمرة من فحم تبعث فيك كشعريرة ينتفض لها جسدك كله حتى لتكاد تلمسها فى نهارك


ذلك الجسد النحيف الاسود لن تراه سوى فيه فلا احد غيره يمتلك الجسد الفانى


لم تسالنى من هو


لكنى ساجيب


انه


انه


الشيطان الرجيم


عندما تراه فى منامك


فقم وتوضأ وصلى كما وصانا رسولنا الكريم